Shefi i Misionit të BE-së për sundim të ligjit në Kosovë (EULEX), Lars Gunnar Wigemark, ka vizituar të martën e 15 nëntorit Mitrovicën e Veriut, ku është takuar me liderët politikë, shoqërinë civile dhe njësinë policore të EULEX-it.
Wigemark ka thënë se situata e sigurisë atje është e brishtë dhe se qytetarët ndihen të frikësuar.
“Pas takimeve që pata sot në Mitrovicën e Veriut me liderët politikë, shoqërinë civile dhe Njësinë e Formuar Policore të EULEX-it 👮♀️ është e qartë se situata e sigurisë është shumë e brishtë dhe banorët vendas janë të frikësuar”, ka shkruar Wigemark në Twitter.
Following meetings I had today in North Mitrovica with political leaders, civil society and EULEX Formed Police Unit 👮♀️ it is clear the security situation is very fragile and local people are afraid. @EULEXKosovo will continue to monitor and everyone must show maximum restraint. pic.twitter.com/tHOHf1JAa1
— Lars-Gunnar Wigemark (@LarsGWigemark) November 15, 2022
EULEX ka bërë të ditur të martën e 8 nëntorit se ka përforcuar përkohësisht njësinë policore të saj me një njësi rezervë prej 23 xhandarësh nga karabinierët italianë, për ta menaxhuar situatën aktuale në veri të vendit.
Ndryshe, më 5 nëntor, përfaqësuesit e Listës Serbe në takimin me përfaqësuesit serbë të institucioneve të Kosovës, kanë vendosur për bojkotimin e institucioneve të Republikës së Kosovës.
EULEX-i jep detaje për zbarkimin e 23 karabinierëve italianë në Kosovë