Policia e Kosovës ka njoftuar se të martën e 22 nëntorit, në orën 09:30 ka arrestuar një person të kërkuar në Ferizaj.
“Policët e stacionit në Ferizaj nga Drejtoria Rajonale e Policisë në Ferizaj, sot në orën 09:30 në rrugën “Abdylselam Ahmeti” në Ferizaj kanë arrestuar personin e kërkuar me inicialet Z.T (M/K), i moshës 42 vjeçar”, thuhet në njoftimin e Policisë së Kosovës.
Tutje në njoftimin e Policisë thuhet se personi i arrestuar ishte i kërkuar në bazë të urdhëresës së Gjykatës Themelore në Ferizaj për veprën penale “Lëndim i lehtë trupor” me dënim burgimi prej gjashtë muajve.
Mes tjerash njoftohet se “pas kompletimit të dokumentacionit është dërguar në vuajtje të dënimit”.
Policia e Kosovës ka potencuar se Drejtoria Rajonale e Policisë në Ferizaj, do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës.