Kësaj radhe në emisionin “Super TrenD” me Drilonën dhe Mirdonin ka përformuar live muzicienti Hysen Kafexhiu.
Si çdo të martë edhe kësaj here në studion e Radio Dukagjinit pati muzikë live, kësaj here me përformancen e Hysen Kafexhiut.
Kafexhiu deklaroi se deri më tani nuk ka këngë të tija origjinale, mirëpo ka realizuar disa covera të këngëve të famshme të cilat i ka publikuar në platformën YouTube.
Ai shtoi se përformancat e tij live zakonisht kufizohen në Prishtinë, në vende si Vendum, Rock Kuzinë e DejaVu. Në përformancat e tij repertoari fatkeqësisht sipas Kafexhiut, përbëhet nga një shumicë e këngëve shqipe, pasi po kërkohen më shumë nga publiku.
Ai ka bërë të ditur se 90 përqind e repertoarit të tij përbëhet nga hite të para vitit 2000, teksa nuk ka këngë më të re se viti 2010.
Zhanri i muzikës ku më së shumti e gjen vetën sipas Kafexhiut, është Hard Rocku.
Përpos muzikës, Kafexhiu punon si inxhinier i audios në një kompani ndërkombëtare që punojnë filma dhe reklama për Gjermani dhe Zvicër.