Të martën, pas dy sezoneve të garës me shumë emocione dhe me shikueshmëri të lartë, “Detektivi” rikthehet përsëri me sezonin e tretë, bashkë me moderatoren Edita Doli, nga ora 20:05 në RTV Dukagjini.
Si prodhim i televizionit Dukagjini, emisioni ”Detektivi” rikthehet me po të njëjtën tematikë, si kuizi më atraktiv në vendin tonë.
Pjesë e kuizit janë përzgjedhur personat që kanë kaluar fazën e testimit, duke u përgjigjur në pyetjet logjike. Me përgjigjet e sakta, ata kanë hyrë në garën për çmimin e madh.
Gjithashtu, përpos cmimit kryesor, do të ketë shpërblime edhe për gjysmëfinalista dhe finalistat e mbetur të garës.
Detektivi do të fillojë garën me nga tre kandidatë, e kuizi më pas do të vazhdojë me garën njësoj, por në gjysmëfinale do të shkojnë vetëm ata të cilët kalojnë të gjitha fazat e garës.
Emisioni do të transmetohet çdo të martë, me fillim nga ora 20:05 në RTV Dukagjini.