Arrestohen tre të dyshuar për trembëdhjetë raste të ,,Vjedhjeve’’ dhe ,,Vjedhjeve të rënda’’.
Policia e Kosovës ka njoftuar se i ka arrestuar tre presona të dyshuar për 13 rast të vjedhjeve në komunën e Vitisë më 25 nëntor të vitit 2022.
“Drejtoria Rajonale e Policisë Gjilan, Njësiti i Hetimeve të Stacionit Policor në Viti pas një pune mirë të organizuar operacionale sot me datën 25.11.2022 kanë arrestuar tre të dyshuar kosovar N.S. (1997), A.Q. (2004) dhe S.Q. (2004)”, thuhet në komunikatën e Policisë së Kosovës.
Policia të dyshuari i ka arrestuar vetëm pasi ka arritur siguronte provat e mjaftueshme sipas policisë.
“Ata dyshohet se në periudha të ndryshme kohore kanë kryer trembëdhjetë (13) raste të ,,Vjedhjeve’’ dhe ,,Vjedhjeve të rënda’’ në disa fshatra të komunës së Vitisë”, theksohet në komunikatën e tyre .
“Tek të dyshuarit si prova materiale për Gjykatë janë siguruar dëshmi të shumta të sendeve të cilat dyshohet se janë të vjedhura të cilat janë konfiskuar dhe në ditët në vazhdim do te ju kthehen pronarëve legjitim”, kanë shtuar ata në komunikatë.
Ndërsa i cili ka urdhëruar që tre të dyshuarit të ndalet në mbajtje për 48 orë për veprën penale ,,Vjedhje’’ dhe ,,Vjedhje e rëndë’’.