Kryeministri i Kosovës, Albin Kurti, ka pritur që të marrë pjesë në takim aktivistja e të drejtave të njeriut, njëkohësisht, drejtoresha e Fondit për të Drejtën Humanitare, Natasha Kandiq, ndërsa, vetë ai nuk mori pjesë në tryezën e organizuar nga Komisioni në Kosovë, pjesë e së cilës ishte Kandiq.
Kurti e ka cilësuar si takim të pakoordinuar në raport me Zyrën e Kryeministrit, Zyrën e Presidentes dhe të Kryetarit të Kuvendit, dhe si shkak i saj, asnjëri nga ta nuk ka mundur të jetë prezent.
Kryeministri Kurti ka bërë të ditur se, do të zhvillojë takimet me përfaqësuesit e familjarëve të të zhdukurve me dhunë gjatë luftës.
Natasha Kandiq është aktivistja më e njohur serbe për të drejtat e njeriut, dhe themeluese e Fondit për të Drejtën Humanitare. Ka qenë një ndër të rrallat në Beograd, që ka justifikuar ndërhyrjen e NATO-s në vitin 1999.
Ajo kishte mbështetur edhe pavarësinë e Kosovës, të shpallur në shkurt të vitit 2008.
Ishte mysafirja e vetme nga Serbia në Kuvend, në ceremoninë e shpalljes së pavarësisë.