Zëvendëskryesusi i Kuvendit Komunal në Veri të Mitrovicës, Skender Sadiku ka thënë se është Lista Serbe ajo e cila ua mban bajrakun të këqijave.
Në një lidhje direkte në Raio Dukagjini, Sadiku ka thënë se pjesë e këtyre tensioneve në Veri të Vendit nuk janë serbët lokal por një parti politike e që sipas tij, ajo është Lista Serbe.
“Jeni të bindur se në këto lojëra nuk janë serbët lokal, nuk janë qytetarët por është një parti politike. Lista Serbe e cila është duke bërë këto veprime, e ka marrë bajrakun e të gjitha të këqijave”, ka deklaruar Sadiku.
Krahas kësaj, ai ka thënë se komunitetet pritet të mblidhen për të diskutuar lidhur me situatën në vend.
Serbë të maskuar kanë barikaduar rrugën në Rudarë dhe sipas tij. Një veprim i tillë i serbëve po bëhet pas arrestimit të ish-pjesëtarit të MUP-it, arrestimin e të cilit e konfirmoi Sveçla.
Ky i fundit, tha se i arrestuari ishte arrestuar nën dëshmitë se i njëjti kishte sulmuar zyret e KKZ-së në Veri të Mitrovicës.