Lipavsky: Të largohen barrikadat nga serbët, Kosova të tregojë përmbajtje

Ministri i Jashtëm i Çekisë, Jan Lipavsky, u ka bërë thirrje serbëve t’i largojnë barrikadat e vendosura dhe përmbajtje nga ana e Kosovës

Ministri i Jashtëm i Çekisë, Jan Lipavsky





Ministri i Jashtëm i Çekisë, Jan Lipavsky, është shprehur i shqetësuar për situatën e krijuar në veri të Kosovës.

Në një postim në Twitter, Lipavsky, u ka bërë thirrje serbëve t’i largojnë barrikadat e vendosura.

Ndërkaq, thirrja e tij drejt Kosovës ishte të përmbahen.

“Të alarmuar nga përkeqësimi i fundit i situatës në veri të Kosovës ndaj pjesëtarëve të EULEX-it. U bëj thirrje protestuesve serbë të Kosovës që të përmbahen nga dhuna dhe të largojnë barrikadat. U bëj thirrje autoriteteve të Kosovës të tregojnë përmbajtje”, ka shkruar ai.

Situata në veri është tensionuar pas arrestimit të ish-pjesëtarit të Policisë së Kosovës, Dejan Pantiq.

Ai akuzohet se “ka organizuar sulmin terrorist” ndaj zyrave të Komisionit Qendror të Zgjedhjeve në veri të Kosovës më 6 dhjetor.

Situata në veri ishte e tensionuar që nga fillimi i nëntorit, kur përfaqësues të komunitetit serb kishin dhënë dorëheqje nga institucionet e Kosovës.

Kjo shkaku i vendimit të Qeverisë së Kosovës për të riregjistruar makinat me targa ilegale serbe në RKS – Republika e Kosovës.

Situata ishte qetësuar përkohësisht pas arritjes së një marrëveshje mes dy palëve, në Bruksel.

Por, zgjedhjet ishin planifikuar më 18 dhjetor dhe Lista Serbe – partia më e madhe e serbëve në Kosovë – kishte kundërshtuar mbajtjen e tyre.

Të shtunën, presidentja e Kosovës, Vjosa Osmani, i shtyu ato për në prill të vitit 2023.

Ndërsa, kryeministri i Kosovës, Albin Kurti, ka thënë se shtyrja e zgjedhjeve ishte për të mirën e komunitetit serb në veri në mënyrë që “ta krijojmë një hapësirë disamujore që të hiqet frika e të votohet lirshëm”.





Shija e redaktorit

Ali Ahmeti: Dëshmia e James Rubin çmontoi propagandën kundër UÇK-së

Lideri i Bashkimit Demokratik për Integrim (BDI), Ali Ahmeti, ka reaguar pas dëshmisë së dhënë nga James Rubin në gjykimin ndaj ish-krerëve të Ushtrisë...

“Me zemër e mendje jam atje Komandant!”: Edi Rama përkrah...

Kryeministri i Shqipërisë, Edi Rama, ka dalë me videopërkrahje të protestës kundër Gjykatës Speciale që po zhvillohet në Hagë, nga shqiptarë anekënd botës. Rama shkroi...

Shqipëria hap 4 kapituj të rinj në negociatat me BE...

Shqipëria do të hapë më 16 shtator katër kapituj të tjerë të negociatave për anëtarësim në Bashkimin Evropian, në kuadër të Konferencës së 6-të...

Të fundit nga rubrika