Reshjet e dendura të shiut të së dielës kanë sjellë probleme në disa zona të vendit në Shqipëri.
Siç raporton Top Channel, 410 hektarë tokë ndodhen nën ujë në qarkun Lezhë.
Në Orosh ka prezencë dheu në rrugë, ndërsa ka prani uji ë fshatin Gjorem dhe në Shullaz.
Në qarkun Elbasan ka pasur probleme me energjinë elektrike në Librazhd e Stravaj të Përrenjasit.
Në qarkun Durrës rreth 300 hektarë tokë bujqësore ndodhen nën ujë në zonat rurale, ndërsa uji ka vërshuar brenda 20 shtëpive që ndodhen pranë lumit Erzen.
Pavarësisht dëmeve, sipas të dhënave të fundit nga Qendra Operacionale e Emergjencave Civile në Agjencinë e Mbrojtjes Civile, ka përmirësim të dukshëm të situatës si pasojë e reshjeve të rëna gjatë 24 orëve të fundit.
Ndërkaq, siç shkruan Euronews-Albania, Ministria e Mbrojtjes ka dhënë informacion rreth situatës nga përmbytjet në vend.
Kuotat e të gjithë lumenjve, veçanërisht e lumit: Drin, Buna, Vjosë janë nën nivelin kritik dhe nuk paraqesin rrezik për zonat e banuara
Niveli hidrik i kaskadave mbi lumin Drin paraqitet normale.
Është normalizuar gjendja në lagjen Granicë, në Gjirokastër, ku pati vërshim të përroit të Cullos.
Të gjitha akset rrugore nacionale janë të kalueshme, ndërsa në pak akse po punojnë në terren forcat e ARRSH, për të pastruar inertet, aty ku pati rrëshqitje të dherave si në rrugën e Arbrit, sipër tunelit apo edhe në rrugën midis fshatrave Bënçë dhe Lekdush, njësia Kurvelesh, Tepelenë.
Situata ka përmirësim sa i përket pranisë së ujit në rrugë apo sipërfaqe toke në qarkun e Shkodrës, Lezhës, Durrësit dhe Dibrës.