Kina po vazhdon të ketë një politikë të rreptë për të mbajtur vendin nën kontrollin e përhapjes së koronavirusit. Përmes ‘tolerancës zero”, banorët e Shangai-t po detyrohen të zhvendosen në qendrat e karantinës.
Në zonat e karantinës, banorët do të qëndrojnë një javë. Personat me aftësi të kufizuar, fëmijët dhe të moshuarit mund të përjashtohen nga rregullat e reja.
Në karantinë do të futen edhe personat që rezultojnë negativ me COVID-19, ndërsa në fshatin Beikai, sipas mediave kineze, janë evakuuar rreth 1 mijë njerëz gjatë natës, me strehim të përkohshëm për dezinfektim të zonës.
Nga banorët është kërkuar që t’i mbledhin gjërat e tyre, t’i lënë dollapët dhe portën e shtëpisë hapur. Për kafshët shtëpiake do të përkujdesen autoritetet relevante.