Deputeti i PDK-së, Bekim Haxhiu, ka kërkuar nga prokuroria t’i fillojë hetimet ndaj kryeministrit Albin Kurti dhe drejtorit të Spitalit të Pejës, për rastin e foshnjës së vdekur e cila ishte futur në rrobalarëse.
Haxhiu, tha se do duhej të paktën dikush të jepte dorëheqje morale në lidhje me këtë rast, teksa shtoi se “këtë krim janë përpjekur ta mbajnë fshehur për tetë ditë”.
“Pasi nuk ka dorëheqje morale, ftoj prokurorinë, të filloj hetimet nga kryetari i komisionit për shëndetësi deri te drejtori i Spitalit të Pejës për tentim të fshehjes së krimit”, ka thënë ai në Kuvendin e Kosovës.
Tutje Haxhiu, tha se në sektorin e shëndetësisë ka mungesë të madhe të përgjegjësisë.
Ai e përmendi edhe rastin e foshnjës së Hamide Magashit e cila u vra nga bashkëshorti i saj.
Haxhiu tha se foshnja ka mundur të shpëtohej por sipas tij askush nuk e morri këtë veprim i cili sipas tij ka qenë i lehtë.
Deputeti i PDK-së, ka kërkuar nga kryeministri Kurti të japë dorëheqje nga pozita e kryetarit të Komisionit për Shëndetësi.