Kryetari i Kuvendit të Kosovës, Glauk Konjofca ka njoftuar se së bashku me nënkryetaren Saranda Bogujevci, kanë pritur në një takim fundviti organizatat partnere të Kuvendit.
“Legjislatura VIII ka arritur konsiderueshëm objektivat ambicioze legjislative, gjithnjë të harmonizuara me standardet e Bashkimit Evropian dhe kriteret e integrimeve euroatlantike”, ka shkruar Konjufca.
Kryetari i Kuvendit ka shtuar se të arriturat e deritashme të kësaj legjislature, si dhe përgjithësisht legjislaturave të mëparme, “janë pa dyshim meritë edhe e mbështetjes së partnerëve vendorë e ndërkombëtarë të Kuvendit”.
Tutje kryetari i Kuvendit ka potencuar se së bashku me partnerët, Kuvendi i Kosovës do të vazhdojë t’i avancojë rezultatet dhe t’i përmbush objektivat e parashtruara gjatë vitit në vijim.