Natasha Pirc Musar mori detyrën si presidente nga paraardhësi i saj, Borut Pahor, në pallatin Presidencial në Lubjanë, një ditë pasi u betua në Parlament.
Pranim-dorëzimi i detyrës u bë në përputhje me rregulloren e definuar paraprakisht të protokollit.
Ceremonia filloi me pritje të gardës së nderit, pas mbërritjes së presidentes, e cila u prit nga presidenti aktual Borut Pahor dhe partnerja e tij, Tanja Peçer.
Në vazhdim, Natasha Pirc Musar dhe Borut Pahor do të takohen ballë për ballë, ndërsa ai me nderime ushtarake do të largohet pas 10 vjetësh në postin e presidentit të vendit, raportojnë mediat ndërkombëtare.
Pas kësaj, presidentja e sapozgjedhur Pirc Musar dhe bashkëshorti i saj, Alesh Musar, do të vendosen në Pallatin Presidencial.
Natasha Pirc Musar fitoi zgjedhjet presidenciale të këtij viti në Slloveni.
Në zgjedhjet presidenciale të tetorit, me 26.88 për qind të votave, ajo shkoi në raundin e dytë si e dyta, duke u radhitur pas rivalit të saj Anzhet Logar, i cili mori 33.95 për qind të votave.
Në raundin e dytë, më 13 nëntor, Pirc Musar mori 53.89 për qind të votave kundrejt 53.6 për qind që mori Logar.