Ministrja e Punëve të Jashtme të Kosovës, Donika Gërvalla, ka kërkuar nga bashkësia ndërkombëtare që të ndërhyjë për të dal në krah gazetarëve të mediave kosovare që po sulmohen nga grupet kriminale në veri të Kosovës të cilat po orkestrohen nga Beogradi.
“Komuniteti ndërkombëtar duhet të ndërhyjë urgjentisht në Beograd dhe të mbrojë median e lirë. Kjo duhet të ndalet tani”, ka deklaruar e para e diplomacisë kosovare.
“Gjatë 3 javëve të fundit, gazetarët janë sulmuar vazhdimisht nga grupe kriminale që tentojnë të destabilizojnë Kosovën”, ka shtuar ajo.
“Dënojmë ashpër sulmet ndaj gazetarëve nga ekstremistët në veri të Kosovës”, ka shkruar Gërvalla në rrjetin social Twitter.
Strongly condemn attacks on journalists by extremists in the north of 🇽🇰. Over the last 3 weeks, journalists have repeatedly been attacked by criminal groups who try to destabilize🇽🇰. Int’l community must urgently intervene in Belgrade & protect free media. This must stop. Now.
— Donika Gërvalla-Schwarz (@gervallaschwarz) December 26, 2022
Të hënë e 26 dhjetorit në Veri të Kosovës përsëri është sulmuar një ekip i gazetarëve nga medium Klan Kosova të cilët ishin duke kryer detyrat e tyre të raportimit mbi gjendjen në veri të vendit.