Mesazhi për mjete shpërthyese në Aeroportin e Prishtinës, mësohet nga RTV Dukagjini se është dërguar në gjuhën arabe.
Zëdhënësja e Aeroportit, ka thënë se alarmi për mjet shpërthyes është dërguar ndërmjet një email-i në drejtim të Aeroportit “Adem Jashari”.
“Alarmi për mjet shpërthyes është dërguar ndërmjet një email-i në drejtim të Aeroportit “Adem Jashari”. Njoftimi në email ka qenë se brenda aeroportit kanë qenë disa mjete shpërthyese. Alarmi pas inspektimeve doli të jetë i rrejshëm”, ka thënë zëdhënësja e aeroportit, Valentina Gara.
Ndërsa, pas mesazhit kërcënues, Policia e Kosovës ka konfirmuar se alarmi për bombë në Aeroportin e Prishtinës ka rezultuar të jetë i rrejshëm dhe se ka filluar sërish punën Aeroporti Ndërkombëtar i Prishtinës “Adem Jashari”.
- Alarmi për bombë në Aeroportin e Prishtinës rezulton i rrejshëm, nis qarkullimi i qytetarëve (VIDEO)
“Pas përfundimit të kontrollit dhe punëve nga institucionet relevante, funksionimi dhe qarkullimi në aeroport i është kthyer normalitetit, andaj i falënderojmë qytetarët për mirëkuptimin dhe bashkëpunimin e treguar me institucionet e Republikës së Kosovës”, thuhet në njoftimin e policisë.
Po ashtu gazetarja e RTV Dukagjinit, Doruntina Bylykbashi e cila gjendej në vendin e ngjarjes kishte bërë të ditur se qytetarët kishin filluar të hyjnë përsëri në këtë aeroport.