Hasanpapaj për rastin e Pantiq: Akuzat e Qeverisë ndaj gjyqësorit janë të pabaza

Juristi, Bardhyl Hasanpapaj, ka thënë se akuzat e Qeverisë së Kosovës ndaj gjyqësorit për rastin e Dejan Pantiq, janë jokorrekte

Bardhyl Hasanpapaj, jurist

Sulmet e përfaqësuesve të Qeverisë së Kosovës, ndaj gjyqtarit, i cili mori vendim për zbutjen e masës së ish-policit të Kosovës, Dejan Pantiq, nga paraburgimi në arrest shtëpiak, janë të pabaza.

I këtij mendimi është juristi, Bardhyl Hasanpapaj, i cili tha se shteti ka dështuar në menaxhimin e paraburgimit të Pantiq-it.

Sipas tij, Pantiq është dashur të dërgohej në paraburgim dhe para gjykatës, gjë që shteti nuk e ka bërë.

“Aty nuk ka pasur nevojë të bëjë marrëveshje askush, Qeveria që akuzon gjyqësorin, gjyqtarin, ajo është që ka dështuar në menaxhimin e paraburgimit të tij. Edhe po ta kishin mbajtur masën e paraburgimit, nuk kishin mundur ta zbatonin. I paraburgosuri nuk shkoi në paraburgim”, ka thënë ai.

“Prokuroria dhe policia kanë dështuar ta sjellin para gjykatës, ka dështuar shërbimi korrektues dhe policia ta dërgojnë në paraburgim. Ka qenë e pamundshme për t’u mbajtur në atë masë të paraburgimit, edhe arresti shtëpiak është masë”, ka vijuar ai.

Tutje, ai ka shtuar se nuk beson se ka ndonjë marrëveshje për lirimin e Pantiq-it.

Deklaratat e presidentit të Serbisë, Aleksandër Vuçiq, sipas Hasanpapajt, janë vetëm për konsum të brendshëm. Ai, po ashtu, tha se me heqjen e barrikadave, Serbia ka dalë humbëse duke mos fituar asgjë.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika