Shefja e Grupit Parlamentar të LVV-së, Mimoza Kusari-Lila, ka uruar Kroacinë që u bë zyrtarisht pjesë e Eurozonës dhe Schengenit, të dielën e 1 janarit.
Përmes një postimi Kusari-Lila është shprehur se suksesi i Kroacisë në rrugën e integrimit është frymëzim dhe model për të gjitha vendet tjera.
“Vetëm 30 vjet më parë vendi juaj u sulmua brutalisht nga Serbia, e cila përkundër humbjes së të gjitha luftërave në ish-Jugosllavi, sot ende qëndron prapa barrikadave në veri të Kosovës”, ka shkruar Kusari-Lila në Twitter.
Shefja e grupit parlamentar të LVV-së ka theksuar se Kroacia ka mundur t’i heq të kufizimet e integrimit, “deri Serbia mbetet peng i mentalitetit pushtues”.