Pesë vetura në rrugën “Qerim Muriqi” në Pejë, janë përfshirë nga zjarri të martën e 3 janarit.
Siç njofton raporti 24-orësh i Policisë së Kosovës, kjo ka ndodhur në rrethana të panjohura dhe rasti është nën hetime.
Ndër të tjera, Policia ka bërë të ditur se në vendin e ngjarjes janë identifikuar tre burra të cilët janë pronarë të makinave, kurse dy të tjerë ende nuk janë identifikuar.
Rasti njoftohet të ketë ndodhur afër orës 4 të mëngjesit.
“Është raportuar se në rrethana të panjohura janë përfshirë nga zjarri pesë vetura. Në vendin e ngjarjes janë identifikuar tre pronarët, viktima meshkuj kosovarë, kurse dy të tjerë ende nuk janë identifikuar. Rasti nën hetime”, thuhet në raportin e Policisë së Kosovës.