Një zjarr ka shpërthyer në orët e para të mëngjesit të së hënës në depot e naftës në qytetin rus, Bryansk, kështu u bë e ditur nga agjencitë ruse të lajmeve.
Ministria për shërbime emergjente në Rusi ka thënë se, askush nuk është lënduar nga incidenti.
More footage from #Bryansk last night. pic.twitter.com/vWr602z2x7
— NEXTA (@nexta_tv) April 25, 2022
Nuk kishte asnjë indikacion të menjëhershëm se zjarri kishte lidhje me luftën në Ukrainë, ani pse, zyrtarët rusë javën e kaluar kishin thënë se helikopterët ukrainas goditën disa ndërtesa banimi dhe plagosën shtatë persona në atë zonë.
Dëshmitarët e ngjarjes thonë se para zjarrit kanë dëgjuar shpërthime të fuqishme, por akoma një gjë e tillë nuk është konfirmuar e as për çfarë lloj shpërthimi po bëhet fjalë.
Bryansk është qendër administrative 154 kilometra në verilindje të kufirit me Ukrainën, në afërsi të rajonit Sumy dhe Chernihiv dhe rreth 380 kilometra larg Moskës, kryeqytetit të Rusisë.
Të hënën, shënon dita e 61-të e invazionit rus në Ukrainë, invazion ky që filloi qysh nga 24 shkurti.
Në Bucha, agresioni rus po akuzohet se kanë kryer masakra dhe gjenocid mbi civilët ukrainas, që ishin të rrethuar nga fillimi i pushtimit të Ukrainës.