Kryeministri i Kosovës, Albin Kurti, ka thënë se shkëmbimi i territoreve si projekt ka dështuar, por si ide ekziston ende.
Kurti tha se shkëmbimi i territoreve do të ishte një formulë për luftë, duke theksuar se ajo për çka kemi nevojë janë republikat që kanë marrëdhënie normale dhe demokraci.
“Jam i sigurt se presidenti serb është nostalgjik për ato kohë, që nënkupton se projekti politik i shkëmbimeve të territoreve ka dështuar, por ideja nuk ka vdekur. Por, nostalgjia nuk është një ndjenjë me të cilin mund të bëjmë progres. Shkëmbimi i territoreve nuk do të ndodh. Shkëmbimi i territoreve është formulë për luftë. Nuk mund të kesh kufij perfekt etnik, gjithmonë do ketë njerëz që ndjejnë se janë në anën e gabuar të tij. Ajo që kemi nevojë janë republikat që kanë marrëdhënie normale dhe demokraci. Demokracitë nuk e luftojnë njëra-tjetrën”, ka thënë Kurti në një intervistë pët Al Jazeera.
Kurti: S’u jap garanci kriminelëve që janë në listë të zezë të SHBA-së