Të dielën e 8 janarit një 19-vjeçar nga Kosova është ndaluar në Portin e Durrësit, pasi ka tentuar të kalonte kufirin drejt Italisë me dokumente të falsifikuara.
“Shërbimet e Policisë Kufitare të portit të Durrësit kanë goditur një rast të tentativës për kalim të kufirit me dokumente të falsifikuara, dhe në përfundim të veprimeve të kryera në bashkëpunim me specialistët për Hetimin e Krimeve Ekonomiko-Financiare të DVP Durrës, arrestuan në flagrancë shtetasin E. H., 19 vjeç, banues në Kosovë“, ka njoftuar policia.
Tutje, njoftohet se janë referuar materialet në Prokurori dhe ka nisur procedimi në gjendje të lirë për shtetasin K. D., 41 vjeç, pasi ishte shpallur në kërkim nga shërbimet e Stacionit të Policisë Manzë, për veprën penale “Përndjekja”, raporton Top Channel.