Një person ka mbetur i lënduar si pasojë e një aksidenti trafiku të ndodhur të enjten e 12 janarit në rrugën Prishtinë- Podujevë, saktësisht në fshatin Trudë.
Lajmin e ka konfirmuar për Portalin Dukagjini, zëdhënësja e Policisë së Kosovës për rajonin e Prishtinës, Flora Ahmeti.
Siç ka njoftuar Ahmeti, aksidenti ka ndodhur rreth orës 14:30, në të cilin të përfshirë kanë qenë një automjet transportues dhe një veturë.
“Sot rreth orës 14:30 ne rrugën Prishtinë – Podujevë, saktësisht në fshatin Trudë, ka ndodhur një aksident trafiku në mes të një automjeti transportues dhe një veture. Si pasojë e aksidentit, një person ka pësuar lëndime trupore. I njëjti është dërguar për tretman mjekësor. Me rastin po merret njësiti i trafikut”, ka thënë Ahmeti.