Shqipëria heq masat anti-Covid për hyrjet në vend

Komiteti Teknik i Ekspertëve në Shqipëri, ka vendosur që të heqë kufizimet kundër Covid-19, duke lehtësuar ndjeshëm masat

Komiteti Teknik i Ekspertëve në Shqipëri

Komiteti Teknik i Ekspertëve në Shqipëri, ka marrë vendim që për hyrjet në territorin shqiptar, të mos kërkohet asnjë dokument për Covidin, duke filluar nga data 1 Maj.

Konkretisht, në Shqipëri është vendos që të hiqet detyrimi për mbajtjen e maskave, por rekomandohet që ato të mbahen në ambiente të mbyllura dhe të paajrosura.

Një tjetër vendim i komitetit është lejimi i muzikës pas orës 23:00 dhe rihapja e klubeve të natës.

Gjatë fjalës së saj në mbledhjen e zhvilluar të martën, të transmetuar nga TV Klan, zëvendësministrja e Shëndetësisë, Mira Rakacolli, ka deklaruar se qytetarët mbi 60 vjeç dhe ata që kanë sistem imunitar të kompromentuar, mund të kryejnë dozën e katërt të vaksinës kundër koronavirusit.

Mira Rakacolli, zëvendës ministrja e Shëndetësisë në Shqipëri

Rakacolli, po ashtu, ka deklaruar se Komiteti Teknik i Ekspertëve do të vazhdojë të monitorojë situatën, dhe këto masa do të vlerësohen në dinamikë duke u bazuar në nivelin e riskut në vend apo edhe në botë.

Në raportimin 24 orësh të datës 25 prill, në Shqipëri, kanë qenë të regjistruar gjashtë raste të reja me COVID-19, derisa nuk është raportuar për asnjë të vdekur.

Ministria e Shëndetësisë kishte njoftuar se janë kryer 508 testime, nga të cilat kanë rezultuar pozitivë me COVID-19, dy qytetarë në Durrës, dy në Patos dhe nga një në Lushnje dhe Peqin.

Sa i përket të dhënave të situatës epidemiologjike në Shqipëri, Komiteti Teknik i Ekspertëve ka bërë të ditur se vaksina më e përdorur në Shqipëri është Pfizer, e ndjekur nga Coronavac dhe AstraZeneca.

Shija e redaktorit

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Përballja e madhe për Prishtinën: Rama, Çeku e Ismaili më...

Më 9 tetor, e enjte në Debat plus, do të zhvillohet një debat mes tre kandidatëve për kryetar të Prishtinës. Pjesëmarrjen e ka konfirmuar sot...

”Lufta e UÇK-së ishte një pelegrinazh”- Ish-komandant “Remi”: Në UÇK...

Rrustem Mustafa, ish-komandanti i UÇK-së për Zonën Operative të Llapit, është pyetur për Albin Kurtin nëse është veteran i UÇK-së, pasi ai e ka...

Të fundit nga rubrika