Të enjten e 19 janarit, reshjet e shiut vazhdojnë të jenë të pranishme në shumicën e territorit të Kosovës, ku si pasojë e tyre, në disa zona raportohet se ka edhe vërshime.
I rrezikuar nga reshjet është edhe liqeni artificial në Mitrovicë, i cili gjatë mesditës ka dalë nga shtrati, duke krijuar pengesa në komunikacion dhe mbushje të rrugëve me sasi të mëdha të ujit.
Një lajm të tillë e ka bërë të ditur ekipi i terrenit i RTV Dukagjinit, i cili edhe ka siguruar video ku shihet se liqeni artificial në Mitrovicë ka dalë nga shtrati, duke përfshirë pjesën tjetër të rrugës në ujë.
Ndërsa, në videon e radhës, shihet se rrugët aty afër janë të mbushura me ujë, por veturat vazhdojnë të qarkullojnë.