Policia e Kosovës ka njoftuar të enjten e 26 janarit se ka arritur të lokalizojë dhe të arrestojë të dyshuarin F.H., pasi dyshohet se ka qenë i përfshirë në rastin “Vjedhje e rëndë” dhe “Mbajtje në pronësi, kontroll, posedim të paautorizuar të armës”.
Rasti për të cilin është arrestuar personi ka ndodhur më 14.09.2020 në një lokal afarist në Gjilan.
Ndryshe, personi ishte në kërkim policor edhe në bazë të një urdhër arresti të lëshuar nga Gjykata Themelore në Gjilan.
Kësisoj, pas arrestimit, të dyshuarit i është lëshuar masa e ndalimit për 48 orë.
“Drejtoria Rajonale e Policisë Gjilan, Njësiti i Hetimeve Rajonale Gjilan me datën 26.01.2023 pas një pune hetimore mirë të organizuar dhe veprimeve operacionale ka arritur që të e lokalizojë dhe të arrestojë të dyshuarin shqiptar F.H. (1983).Arrestimi i tij është bërë pasi i njëjti dyshohet se ka qenë i involvuar në një rast ‘Vjedhje rëndë’ dhe ‘Mbajtja në pronësi, kontroll, posedim të paautorizuar të armës’ i ndodhur me datën 14.09.2020 në një lokal afarist në Gjilan”, thuhet në njoftimin e PK-së në Facebook.