Për një orë janë mbledhur 147 mijë euro vetëm nga telefonatat e qytetarëve e bizneseve, që janë bërë pjesë e iniciativës për t’i ndihmuar familjet që pësuan nga vërshimet.
Ky organizim është duke u transmetuar në mediumin publik të Kosovës, ku janë mbledhur artistë e shumë figura të tjera nën moton “Bashkë ia dalim”.
Sipas kryetarëve të komunave të prekura nga vërshimet, dëmet janë të konsiderueshme dhe kalojnë shifrat e dhjetëra miliona eurove.
Disa komuna kanë hapur xhirollogari për shkak të gjendjes së rëndë të disa familjeve që janë dëmtuar nga vërshimet.
Organizimi në RTK po vazhdon ende, aty qytetarët mund të kontribuojnë deri sa të përfundojë mbrëmja humanitare.