Drejtori Sportiv i Dritës, Valon Zymberi ishte një nga delegatët që e lëshoi Kuvendin e Jashtëzakonshëm të Federatës së Futbollit të Kosovës para kohës.
Zymberi nuk ishte i kënaqur me mënyrën se si ky proces ka rrjedhur në tërësi.
Për mikrofonin e RTV Dukagjinit ai tha se “ne nuk e kemi pasur të drejtën tonë elementare që është e garantuar me kushtetutë edhe me statut të FFK-së, që ne të japim propozimet dhe vërejtjet tona, në mënyre që të harmonizohen dhe pastaj të votohet”.
Kujtojmë, që Statuti i ri i FFK-së, u miratua me 48 vota pro, një abstenim dhe pesë delegatë nuk votuan fare.