Klubi spanjoll Valencia shkarkoi trajnerin Gennaro Gattuso të hënën pas rezultateve të dobëta të ekipit.
Valencia tha në një deklaratë se arriti një marrëveshje të ndërsjellë me Gattuso për t’i dhënë fund kontratës së tyre.
Njoftimi erdhi pas humbjes 1-0 në Valladolid në ligën spanjolle të dielën. Klubi ka fituar vetëm një nga 10 ndeshjet e fundit të ligës, para Kupës së Botës.
Humbja e fundit e zbriti Valencia-n në vendin e 14-të, një pikë mbi zonën e rënies.
Dy fitoret e saj të vetme këtë vit erdhën në Copa del Rey, megjithëse u eliminua në çerekfinale nga Athletic Bilbao në shtëpi javën e kaluar. Në Superkupën e Spanjës, Valencia humbi nga Real Madridi në penallti në gjysmëfinale.
45-vjeçari Gattuso mbërriti qershorin e kaluar me një kontratë dyvjeçare.
Ish-mesfushori mbrojtës ndihmoi Italinë të fitonte Kupën e Botës 2006 dhe AC Milan të fitonte dy tituj të Champions League, të dyja si lojtar. Ai drejtoi Milanin dhe Napolin në Itali.
Valencia nuk njoftoi një zëvendësues për Gattuso.