Këtë të hënë ka filluar procesi mësimor në nivelet e arsimit parauniversitar pas pushimit dimëror prej pesë ditësh.
Nxënësit në arsimin parauniversitar për katër muaj radhazi zhvilluan procesin mësimor me intensitet të shtuar, duke punuar për tetë javë edhe ditëve të shtuna.
Pushimi dimëror u realizua vetëm 5 ditë, nga 30 janari deri më 3 shkurt të vitit 2023.
Ky zhvillim i procesit mësimor në këtë formë nga mësimdhënësit është cilësuar si ngarkesë, dhe arritje jo e kënaqshme e rezultateve.
Psikologët vënë në dukje se arritje të kënaqshme mësimore shënohen te nxënësit, nëse pas çdo dy muajsh proces mësimor, pushohet nga një javë.
Kujtojmë se vitin e kaluar nxënësit nuk kishin mbajtur mësim për një muaj si pasojë e grevës së përgjithshme në arsim.