Pas tërmetit vdekjeprurës, si pasojë e të cilit mbetën të vdekur mbi një mijë persona, ka reaguar presidenti i Shteteve të Bashkuara të Amerikës, Joe Biden.
Ai është shprehur i pikëlluar për humbjen e jetëve dhe shkatërrimin e shkaktuar nga tërmeti në Turqi dhe Siri.
Me anë të një postimi në Twitter, Biden ka thënë se një ekip amerikan po vazhdon të monitorojë nga afër situatën në koordinim me Turqinë dhe të ofrojë ndihmën e nevojshme.
“Jam thellësisht i pikëlluar për humbjen e jetëve dhe shkatërrimin e shkaktuar nga tërmeti në Turqi dhe Siri. Unë e kam drejtuar ekipin tim që të vazhdojë të monitorojë nga afër situatën në koordinim me Turqinë dhe të ofrojë çdo dhe të gjithë ndihmën e nevojshme”, shkroi Biden.
I am deeply saddened by the loss of life and devastation caused by the earthquake in Turkiye and Syria. I have directed my team to continue to closely monitor the situation in coordination with Turkiye and provide any and all needed assistance.
— President Biden (@POTUS) February 6, 2023
Më shumë se 1.500 njerëz kanë vdekur në Turqi dhe Siri pas një tërmeti të fuqishëm me magnitudë 7.8 ballë që goditi Turqinë herët të hënën, duke plagosur mijëra të tjerë në të dy vendet.
Të paktën 912 njerëz kanë vdekur në Turqi, tha presidenti turk, Recep Tayyip Erdoğan në një fjalim televiziv të hënën.
Në Siri, të paktën 386 njerëz kanë vdekur, duke përfshirë 239 kryesisht në rajonet e Alepo, Hama, Latakia dhe Tartus, njoftoi më herët TV shtetëror sirian. Grupi “Helmetat e Bardha”, i njohur zyrtarisht si Mbrojtja Civile e Sirisë, raportoi gjithashtu të paktën 147 vdekje në zonat e kontrolluara nga opozita në veriperëndim të Sirisë.
Qindra njerëz të tjerë u plagosën gjithashtu pas tërmetit, me 648 të plagosur në Aleppo, Hama, Latakia dhe Tartus, njoftoi TV shtetëror sirian. 340 të tjerë lëndime u raportuan gjithashtu në zonat e kontrolluara nga opozita, shtuan Helmetat e Bardha.
Ekipet e shpëtimit në Turqi shpëtuan mbi 2,400 njerëz nga nën rrënojat e ndërtesave të rrafshuara nga tërmeti, tha Erdogan.
Në Turqi, rreth 9,000 personel po punojnë për momentin në përpjekjet e kërkimit dhe shpëtimit me më shumë njerëz që po bashkohen, shtoi lideri turk. Nuk dihet se sa persona të tjerë janë nën rrënoja.
Qendra e koordinimit të qeverisë turke është në kryeqytetin Ankara dhe drejtohet nga nënpresidenti Fuat Oktay, tha Erdogan.