Të hënën e gjashtë shkurtit, është paralajmëruar për një kërcënim me bombë në Aeroportin Ndërkombëtar të Prishtinës “Adem Jashari”.
Kështu ka bërë të ditur zëdhënësja e Aeroportit Ndërkombëtar të Prishtinës, Valentina Gara.
Ajo ka njoftuar se të gjithë pasagjerët dhe personeli janë evakuuar nga hapësirat e aeroportit.
“Konfirmojmë se kemi pranuar një kërcënim me bombë. Udhëtarët dhe personeli janë evakuuar. Ekipet emergjente janë involvuar në detyrat dhe përgjegjësitë e caktuara”, ka shkruar Gara.
Ndryshe, të mërkurën e 28 dhjetorit, ishte paralajmëruar për kërcënim me bombë në Aeroportin Ndërkombëtar të Prishtinës “Adem Jashari”, por që kishte rezultuar të jetë i rrejshëm.