Ministrja e Arsimit, Arbërie Nagavci në librin e zisë të hapur në Ambasadën e Turqisë në Kosovë të premten ka shprehur ngushëllimet në emër të popullit të Kosovës për viktimat që humbën jetën në tërmetin tragjik që ka goditur Turqinë dhe Sirinë më gjashtë shkurt.
“Të hapur në Ambasadën e Turqisë në Kosovë, shpreha ngushëllimet e mia në emër të popullit të Kosovës për viktimat që humbën jetën në tërmetin i cili goditi Turqinë më 6 shkurt”, ka shkruar Nagavci në Facebook.
Tutje ka thënë se Kosova qëndron në solidaritet të plotë, shpirtërisht e moralisht.
“Ngushëllimet më të sinqerta për jetët e humbura tragjikisht, dhe shërim sa më të shpejtë të lënduarve. Në një kohë kaq të dhimbshme, me mendje e zemër jemi me popullin turk”, ka vijuar ajo.
Ndryshe deri më tani numri i të vdekurve nga tërmeti në Turqi dhe Siri është rritur në 22 mijë e 375.