Në seancën parlamentare të 28 prillit, ka folur ministrja e Shtetit për Rininë dhe Fëmijët, Bora Muzhaqi, ndaj sjelljes së deputetes Ina Zhupa kundrejt ministres së Kulturës, Elva Margariti.
Ajo ka thënë se deputetët me politikën e tyre duhet të përcjellin shembuj të mirë, tek të gjithë të rinjtë.
”Çdo deputet ka detyrën thelbësore të përcjellë shembuj të mirë për të gjithë të rinjtë që, nëpërmjet politikëbërjes, duan të kontribuojnë në vendin e tyre”, ka thënë Muzhaqi.
Ndër të tjerash, ajo i cilësoi sjelljet e deputetes Zhupa si ”jashtë etike”.
”Veprimet e deputetes janë ‘jashtë etike’. Ky model nuk mund dhe nuk duhet të pranohet nga askush dhe askund”, ka thënë ajo në Kuvendin e Shqipërisë.
Në përmbyllje, Muzhiqi ka theksuari se sjellja dhe edukata janë parime bazë që iu mësohen fëmijëve që në hapat e tyre të parë, dhe këto parime dhe norma bazike nuk duhet të shkelen aq, tepër në institucionin më të lartë të vendit nga përfaqësuesi i zërit të qytetarëve.