Kryediplomati evropian, Josep Borrell, është takuar me presidentin serb, Aleksander Vuçiq, në margjinat e Konferencës së Mynihut, me të cilin ka diskutuar për normalizimin e marrëdhënieve mes Kosovës dhe Serbisë.
Borrell ka theksuar nevojën për avancim në propozimin e BE-së sa i përket normalizimit të marrëdhënieve me Kosovën.
Ndër të tjera, Borrell ka njoftuar se i ka theksuar Vuçiqit edhe rëndësinë e harmonizimit të politikave të përbashkëta të Jashtme dhe Sigurisë së BE-së.
“U takuam me presidentin për të diskutuar para takimit të dialogut të nivelit të lartë, nevojën për të avancuar në propozimin e BE-së për normalizim të marrëdhënieve me Kosovën dhe rëndësinë e harmonizimit të Politikave të përbashkëta të Jashtme dhe Sigurisë së BE-së”.
“Të dyja janë kyçe për rrugën e Serbisë në BE”, ka shkruar Borrell në Twitter.
Met with @predsednikrs at #MSC23 to discuss, ahead of the High Level Dialogue Meeting I am convening on 27 February, the need to advance on the EU Proposal on normalisation of relations with Kosovo and the importance of CFSP alignment.
Both are key for Serbia’s EU path. pic.twitter.com/hXEMUYFIGw
— Josep Borrell Fontelles (@JosepBorrellF) February 18, 2023