Pas intervistimit në Prokurorinë Speciale, për rastin Dehari, deputeti Haki Abazi ka folur për media.
Ai nuk ka dhënë detaje për deklaratën e dhënë, por ka ripërsëritur se është shkarkuar nga pozita e kryetarit të Komisionit për Punë të Jashtme, për shkak se sipas tij e ka folur të vërtetën.
“Unë nuk mund të them se çfarë deklarova, por ajo çka mund të them është se shkarkimi im nga komisioni është se unë kisha guxim që të flisja të vërtetën. Palaçoja kur hyn në pallatin mbretëror, mbreti s’bëhet palaço, por mbretëria cirkus”, ka thënë Abazi.
Në fund, deputeti Abazi ka thënë se pret që hetuesia ta thotë fjalën e saj.