Ambasadori i Shteteve të Bashkuara të Amerikës (ShBA), Jeff Hovenier ka theksuar mbështetjen dhe mirënjohjen e Shteteve të Bashkuara të Amerikës me rastin e kthimit të pjesëtarëve të FSK-së të hënën nga Turqia, që ndihmuan në operacione të kërkim-shpëtimit pas tërmetit tragjik.
“Shtetet e Bashkuara të Amerikës kanë shprehur mirënjohjen e tyre të thellë ndaj ekipeve të kërkim-shpëtimit dhe mjekësore të Forcës së Sigurisë së Kosovës (FSK), teksa janë kthyer në shtëpi në Kosovë”, ka shkruar Hovenier në Twitter.
Hovenier ka shtuar se ekipi i FSK-së kreu operacione të suksesshme të ndihmës në Turqi dhe shpëtoi disa jetë.
“ShBA-ja është një partner krenar i FSK-së”, ka vijuar tutje.
The United States expresses its deep gratitude to the @KSF_Kosova search & rescue and medical teams as they return home to Kosovo. The KSF team conducted successful assistance operations in Türkiye and saved several lives. The U.S. is a proud partner to the KSF. 🇽🇰🇺🇸 https://t.co/51BBWtp5yB
— Ambassador Jeff Hovenier (@USAmbKosovo) February 21, 2023
Ndryshe, të hënën e 20 shkurtit janë kthyer në Kosovë pjesëtarët e FSK-së që ndihmuan në operacione të kërkim-shpëtimit në Turqi.
Pjesëtarët janë pritur nga kryeministri i Kosovës, Albin Kurti dhe ministri i Mbrojtjes, Armend Mehaj dhe janë nderuar me medalje nga FSK-ja.