Me rastin e shënimit të njëvjetorit të fillimit të agresionit rus në Ukrainë, në Hollin e Kuvendit të Kosovës të premten do të mbahet ceremonia e pritjes dhe dorëzimit të letrave të falënderimit për gazetarët ukrainas të strehuar në Kosovë.
Kjo ceremoni do të fillojë nga ora 13:15, në të cilën, do të mbajnë fjalim presidentja e Kosovës, Vjosa Osmani, kryetari i Kuvendit, Glauk Konjufca, kryeministri i Kosovës, Albin Kurti dhe përfaqësuesi i gazetarëve ukrainas në Kosovë, Luidmyla Makei.