Dëbora dhe shiu i madh e kanë goditur Kaliforninë dhe pjesë të tjera të Perëndimit të premten. Në anën tjetër, dhjetëra mijëra njerëz në Michigan po i vuajnë temperaturat e ngrira, pasi energjia elektrike është ndërprerë aty.
Stuhia që përfshiu vendet i errësoi afro 1 milion shtëpi dhe biznese, i mbylli rrugët kryesore, shkaktoi grumbullime në autostrada dhe pengoi udhëtimin ajror.
Deri tani, siç raporton AP, janë ndërprerë më shumë se 460 fluturime dhe më shumë se 7,400 janë vonuar.
Moti është parashikuar të jetë i tillë edhe të shtunën, madje në disa zona ekzistojnë mundësitë që përmbytjet të arrijnë në 23 centimetra.