Ylli portugez, Cristiano Ronaldo, ka fituar çmimin e parë individual me skuadrën e re Al-Nassr, duke u shpallur lojtari i muajit shkurt, pasi shënoi tetë gola në katër ndeshje.
Duke mos shënuar apo asistuar gjatë gjithë janarit, 38-vjeçari portugez më në fund gjeti golin e parë në klubin e tij të ri, duke regjistruar dy asistime së bashku me tetë gola të shënuar.
𝗕𝗲𝘀𝘁 𝗣𝗹𝗮𝘆𝗲𝗿 𝗔𝘄𝗮𝗿𝗱 ⭐
Al Nassr superstar 𝗖𝗿𝗶𝘀𝘁𝗶𝗮𝗻𝗼 𝗥𝗼𝗻𝗮𝗹𝗱𝗼 was at his phenomenal best throughout February, with eight goals and two assists in four run-outs 🐐#RoshnSaudiLeague | #CR7𓃵 | @Roshnksa | @AlNassrFC_EN | @Cristiano pic.twitter.com/HTpV1XxYKe
— Roshn Saudi League (@SPL_EN) February 28, 2023
Golat e Ronaldos kanë ndihmuar Al-Nassr të çimentojë vendin në krye të tabelës dhe paraqitjet e tij u shpërblyen me çmimin mujor individual, që më parë iu dorëzua Salem Al-Dawsari të Al-Hilal.
Ronaldo ishte në formë të jashtëzakonshme gjatë gjithë shkurtit.
Ish-ylli i Real Madridit, jo vetëm që shënoi golin e tij të parë për Al-Nassr kundër Al Fateh më 3 shkurt, por ai festoi golin e tij të 500-të në karrierë në fitoren 0:4 të skuadrës së tij në Al Wehda gjashtë ditë më vonë, ku shënoi të gjitha katër golat.
Portugezi më pas dha dy asistimet e tij të para për klubin e tij të ri në një fitore 2:1 ndaj Al-Taawoun më 17 shkurt – e para prej të cilave ishte thjesht fantastike – përpara se të përfundonte muajin me një het-trik në fitoren 3:0 të Al-Nassr në udhëtim te Damac Fc të shtunën e kaluar.
Superylli portugez do të jetë në aksion për Al-Nassr këtë të premte, ku do ta presin skuadrën Al Batin.