Kryetari i Parlamentit të Kosovës, Glauk Konjufca, ka shprehur ngushëllimet e tij për vdekjen e ish-drejtorit të ndërmarrjes Trepça dhe ekspertit të minierave, Nazmi Mikullovci.
Nëpërmjet një postimi në rrjetin social Facebook, Konjufca ka thënë se “në secilën detyrë që iu besua dhe në secilin institucion apo ndërmarrje që drejtoi, Mikullovci dha një kontribut të çmuar dhe la gjurmë të pashlyera. Punoi me nder, përkushtim dhe profesionalizëm të lartë deri në frymën e tij të fundit. Të tillë do ta kujtojmë gjithmonë”.
“Ngushëllimet më të sinqerta familjes së nderuar Mikullovci, të afërmve, miqve dhe bashkëpunëtorëve”, ka shkruar kreu i Kuvendit, Glauk Konjufca.