Qeveria e Kosovës në mbledhjen e saj të shtunën i ka miratuar nismat për bashkëprodhimin kinematografik me shtetin e Francës dhe Izraelit.
Në mbledhje të qeverisë u tha se këto marrëveshje përveç që sjellin suksese në kinematografinë e Kosovës dhe te artistët tanë, po ashtu sjellin bashkëpunim në mes të Kosovës dhe shteteve përkatëse Francës dhe Izraelit.
Në mbledhje, po ashtu, u përmendën sukseset e vazhdueshme të komunitetit artistik të Kosovës dhe se kjo nismë do t’i ndihmojë talentët e fushës së artit.
