Kuvendi i Kosovës në seancën e së enjtes ka miratuar në lexim të dytë projektligjin për antidoping.
Kuvendi me 64 vota për ka miratuar projektligjin për antidoping, së bashku me 15 amendamente vijuese.
Për këtë projektligj votuan edhe deputetët e opozitës.
Ndërkaq, Kuvendi nuk ka pasur kuorum për miratimin e projektligjit për ndryshimin e ligjit për Miniera dhe Minerale.
Pas përfundimit të këtyre pikave, kryetari i Kuvendit, Glauk Konjufca, e ka mbyllur seancën plenare, duke thënë se pikat e mbetura që ishin në rend dite do të trajtohen në seancat e ardhshme.
Ndërsa, as në të dytën herë që është hedhur në votim, nuk ka kaluar projektligji për Shëndetin Riprodhues dhe Fertilizues të Asistuar, për të cilin, Kuvendi nuk pati kuorum.
Kjo pasi 10 deputetë të pushtetit abstenuan të njëjtin projektligj. Megjithatë, pro këtij projektligji ishin 43 deputetë.
Konjufca kishte treguar se vetëm 53 deputetë morën pjesë në atë votim dhe i njëjti i është bartur seancës së ardhshme plenare.