Kryeministri i Kosovës, Albin Kurti ka shprehur ngushëllime për familjarët e viktimave që humbën jetën në sulmin në Hamburg të Gjermanisë.
Përmes një postimi në Twitter, kreu i Qeverisë e ka dënuar këtë akt të dhunës teksa e ka quajtur të “pakuptimtë”.
“Thellë i pikëlluar me lajmet pas të shtënave të djeshme në sallën e Dëshmitarëve të Jehovait në Hamburg që mori disa jetë. E dënojmë këtë akt të pakuptimtë të dhunës dhe shprehim ngushëllimet tona për familjet dhe të dashurve të viktimave”, ka shkruar Kurti.
Deeply saddened by the news of yesterday's mass shooting at a Jehovah's Witness hall in #Hamburg that took the lives of several people.
We condemn this senseless act of violence and convey our condolences to the families and loved ones of the victims.— Albin Kurti (@albinkurti) March 10, 2023
Ndryshe, një person të enjten mbrëma vrau katër burra dhe dy gra të moshës 33 deri në 60 vjeç dhe një fetus femër shtatëmuajshe gjatë sulmit që nisi rreth orës 21:00 të së i cili ka lënë gjithashtu tetë të plagosur, prej të cilëve katër në gjendje të rëndë, raportoi The Guardian.
Personi i armatosur vrau më pas veten me armën e tij, ndërsa oficerët e policisë kërkuan ta shtynin të dorëzohej, pasi e ndoqën deri në katin e parë të ndërtesës trekatëshe, pranë qendrës së qytetit të Hamburgut.