Zëdhënësja e NATO-s, Oana Lungescu, ka reaguar mbi dakordimin e kryeministrit Kurti dhe presidentit Vuçiq, të shtunën e 18 marsit në Ohër të Maqedonisë së Veriut.
Përmes një postimi, Lungescu ka thënë se NATO-ja e mirëpret marrëveshjen në mes të kryeministrit Kurti dhe presidentit Vuçiq.
“NATO e mirëpret marrëveshjen në mes të presidentit të Serbisë, Aleksandar Vuçiq dhe kryeministrit të Kosovës, Albin Kurti në dialogun e lehtësuar nga BE në rrugën e normalizimit të marrëdhënieve në mes të Beogradit dhe Prishtinës”, ka shkruar ajo.
Zëdhënësja e NATO-s ka thënë tutje se i nxisin të dyja palët të zbatojnë atë që është rënë dakord shpejt dhe plotësisht.
“Ne jemi të përkushtuar ndaj stabilitetit në Ballkanin Perëndimor, përfshirë këtu edhe KFOR-in”, ka shkruar Lungescu.
“NATO e mirëpret marrëveshjen në mes të presidentit të Serbisë, Aleksandar Vuçiq dhe kryeministrit të Kosovës, Albin Kurti në dialogun e lehtësuar nga BE në rrugën e normalizimit të marrëdhënieve mes Beogradit dhe Prishtinës. Ne i nxisim të dy të zbatojnë atë që është rënë dakord shpejt dhe plotësisht. Ne jemi të përkushtuar ndaj stabilitetit në Ballkanin Perëndimor përfshirë këtu edhe KFOR-in”, ka shkruar zëdhënësja e NATO-s, Oana Lungescu në Twitter.
#NATO welcomes the deal by @predsednikrs & @albinkurti in #EU-facilitated dialogue on the path to normalise relations betw Belgrade & Pristina. We urge both to implement what’s been agreed quickly & in full. We are committed to stability in the W Balkans incl through @NATO_KFOR.
— Oana Lungescu (@NATOpress) March 19, 2023