Policia e Kosovës ka njoftuar se kreu i Federatës së Futbollit të Kosovës, Agim Ademi, nuk është arrestuar.
Policia ka thënë se gjatë kësaj të marte ka intervistuar në stacion policor “një person/zyrtar të Federatës së Futbollit të Kosovës, i cili pas intervistimit, me urdhër të prokurorit është liruar”.
“Ndërsa raportimi në media për kinse arrestimin e kreut të FFK-së nuk qendron, dhe se nuk ka ndonjë urdhërarrest siç raportohet, por të njëjtit i është lënë një ftesë për t’u paraqitur në polici për intervistim gjatë ditës së nesërme”, njofton Policia e Kosovës.
PK-ja shton se të gjitha veprimet e mëtejme do të ndërmerren në bashkëpunim dhe koordinim me organet e drejtësisë.