Policia e Kosovës ka njoftuar se janë identifikuar dy personat, të cilët dyshohen për tentim vrasje më 27 janar të vitit të kaluar, në fshatin Llapnasellë të Graçanicës.
Të dyshuarit janë vetëdorëzuar në polici mbrëmë, teksa bëhet e ditur se njëri është 30 vjeç, kurse tjetri 22.
“Kërkimet e vazhdueshme për arrestimin e të dyshuarve nga ana e policisë, kanë bërë që personat e dyshuar:- I. R, mashkull 30 vjeç dhe D.T, mashkull 22 vjeç, mbrëmë të dorzohen në polici”, thuhet në njoftim.
Pas intervistimit në prezencë të avokatit mbrojtës, personat e dyshuar me vendim të prokurorit të shtetit janë dërguar në mbajtje.