Mbrëmja e ndarjes së çmimeve “iHeartRadio Music Awards 2023” është mbajtur të hënën e 27 marsit.
Kjo ceremoni prestigjioze u mbajt në “The Dolby Theatre” në Los Angeles.
Dhe në këtë vit, iHeartMusic Radio Awards është në vitin e tij të dhjetë dhe do të nderojë emrat më të mëdhenj të muzikës, nga Taylor Swift, te Doja Cat, Lizzo dhe Harry Styles.
Në këtë mbrëmje të çmimeve, kanë marrë pjesë edhe dy këngëtaret me prejardhje shqiptare e me famë botërore, Dua Lipa dhe Bebe Rexha.
Dua Lipa ka qenë e nominuar gjithsej në shtatë kategori, por nuk ka arritur të shpërblehet me ndonjë çmim.
Ndërsa artistja me origjinë nga Dibra në anën tjetër u përfshi në dy kategori dhe fitoi ‘Kënga më e mirë e zhanrit Dance’ për “I’m Good (Blue)” me David Guettan.