Kandidati për president të Malit të Zi, Jakov Milatoviç ka folur rreth planprogramit të tij nëse ia del të fitojë balotazhin me Gjukanoviqin.
Milatoviç ka folur edhe për çështjen e Kosovës, respektivisht njohjes nga Mali i Zi.
Ai ka rikujtuar faktin se vitin e kaluar, të gjitha partitë nënshkruan një traktat për historinë e rikonstruktimit, ku të gjithë u pajtuan për çështjen e Kosovës. Kjo do të thotë se, pavarësisht ndryshimeve që mund të ndodhin në vendin fqinj, nuk do të ketë lëvizje sa i përket njohjes ose mosnjohjes.
“Është patjetër fakt dhe ne i qëndrojmë faktit. Mendoj se edhe partitë e tjera, të gjitha kanë firmosur një traktat, me duket në fund të vitit të shkuar me historinë e rikonstruktimit me kryeministrin Abazovic, ku të gjitha partitë njohën faktin duke përfshirë çështjen e Kosovës. Patjetër, po. Këto janë faktet dhe mendoj se ajo që kemi nevojë është të ndërtojmë rrugët për një zhvillim ekonomik mes vendeve të rajonit që me në fund të shkojmë në nivelin e duhur për BE. Të shpejtojmë integrimin e vendeve tona. Që të kemi akses në fondet e BE që të zhvillojmë infrastrukturën tonë. Di që ekziston një projekt për të ndërtuar autostradën e paqes nga Nish (Nishi i Serbisë, nuk e di si shkruhet), në Prishtinë. Këto janë historitë që promovoj dhe mendoj se është e ardhmja e rajonit”, tha ndër tjerash ai për “ABC News”.