Ushtruesi i detyrës së kryetarit të OVL-UÇK-së, Faton Klinaku, i ka reaguar një njoftimi të Lëvizjes Vetëvendosje.
Kjo erdhi pasi ata në njoftimin ku e bënë të ditur për mbështetjen e marshit të “Liria ka Emër”, më 2 prill, përmenden vetëm, Rexhep Selimin në njoftimin e tyre, e siç thekon Klinaku në Hagë po mbahen 8 luftëtarë të UÇK-së.
Sipas tij, të përmendet vetëm Selimi nga LVV-ja përveçse është e ulët, është edhe kundër të vërtetës dhe historisë.
“Si OVL UÇK kemi qenë dhe jemi kundër Gjykatës Speciale, sepse konsiderojmë se është përpjekje për ndryshimin e së vërtetës dhe historisë.
Atje i kemi 8 bashkëluftëtarë, që prej tyre janë dy krerët e Organizatës së Veteranëve të Luftës së UÇK-së që ishin kundër kësaj pseudodrejtësie, por kemi dhe të tjerë që luftën e kanë bërë së bashku nën emblemën e UÇK-së, e të përmendet vetëm Rexhep Selimi nga Lëvizja Vetëvendosje, përveçse është e ulët, është edhe kundër të vërtetës dhe historisë”, ka shkruar Klinaku në Facebook.