Policia e Kosovës ka njoftuar se me qëllim të ruajtjes së rendit, qetësisë publike dhe mbarëvajtjes së marshit të paraparë që do të mbahet, ka bërë përgatitjet e nevojshme operacionale policore.
“Lidhur me këtë, PK-ja ka filluar me kohë përgatitjen dhe ndërmarrjen e masave që kanë për qëllim mbarëvajtjen e marshutës, ruajtjen e rendit dhe sigurisë publike, ofrimin e sigurisë për qytetarët dhe ofrimin e sigurisë në trafik”, njofton Policia e Kosovës.
Policia tutje njofton se do të ndërmarrë masat e nevojshme preventive, operative policore për të siguruar që mbarëvajtja e marshutës të kalojë pa ndonjë incident, që pjesëmarrësit të shprehin qëllimin e tyre në mënyrë demokratike.
“Sipas procedurave të parapara, policia do të marrë masa dhe do t’i shtojë aktivitetet operative para, gjatë dhe pas përfundimit të marshutës, andaj ftojmë qytetarët pjesëmarrës që të marshojnë të qetë dhe që kërkesat e tyre t’i shpalosin në mënyrë demokratike”, thuhet tutje në njoftimin e PK-së.